「勉強」

有一日有人同我講黎緊有野想搵我幫手，但其實我唔係太想幫手，原因係我對果樣野本身無太大信心，所以我用左一個好低層次嘅著口：

「我今個星期要考試，未必有時間去傾...」

婉轉地拒絕左呢個朋友嘅求助，呢樣野係我以前唔會做。但再諗返，其實以前我唔會咁做。令我學識「婉拒」呢一樣野係因為以前經常被要求做某D野，做到根本自己唔想做都要頂硬上，辛苦自己。

「唔得可以唔勉強的~~nvm」


勉強呢個用詞...


後來對話提及溫書：

「不如一齊溫書」

其實我比較鐘意自己一個，所以又要再一次...

「唔啦...咁遠」

「去你家都得」「過黎我學校溫又得」

「ha（下...）」

「好想同你溫~」

「下？都唔同科？」

「無關係架」「哈哈」「唔勉強了~」


當「勉強」呢個詞語再起對話出現，我真係覺得自己被人勉強緊。同時我又覺得抱歉，因為人地咁熱情，我就咁冷淡。

除此之外，我覺得有少許難受。



有時我覺得大家明白就可以，太過直接去交代只會令人難堪。
而且...

說話嘅技巧係非常重要。

同一句話，唔同人有唔同解讀方法，而誤會亦好容易因為誤解而產生。


我又係唔係要諗下...幾時開始我變得咁「慎言」？會唔會想得太多？